Böyük və peşəkar təlimçi bazası

ITE Azərbaycanda 100-dən çox peşəkar təlimçi bazasına malik təhsil mərkəzidir. Bütün ITE təlimçiləri pedaqoji təcrübəyə və müvafiq sertifikatlara malikdirlər. ITE-nin təlimçi bazası Azərbaycanın bütün rayonlarını əhatə edir. Bu üstünlüyümüz bizə əlavə təhsil xidmətlərini əlçatan və yüksək səviyyədə təşkil etməyə imkan verir.
Beynəlxalq təcrübə və yeni tədris texnologiyalardan istifadə

ITE Azərbaycan təhsil bazarında fəaliyyət göstərən, beynəlxalq təcrübə və yeni tədris texnologiyaları tətbiq edərək, təlim paketləri tərtib edən və peşəkar formatda təlimlər keçirən əlavə təhsil mərkəzidir.
Yerli və beynəlxalq aparıcı qurumlarla əməkdaşlıq

ITE Azərbaycan Respublikası Təhsil Nazirliyi, Dünya Bankı, UNESCO, Microsoft, Intel kimi aparıcı yerli və beynəlxalq qurumlarla əməkdaşlıq edir.

Xidmətlər

ITE əlavə təhsil mərkəzi təhsil sahəsində geniş xidmət çeşidi təqdim edir. Xidmət çeşidimizə müəllim heyəti üçün təlimlər, tədqiqat və məsləhət, sertifikatlaşdırma, məzmunun yaradılması və distant təhsil daxildir.
Təlimlərimizin əsas məqsədi yeni dövrün tələblərinə uyğun pedaqoji kadrlar hazırlamaqdır.
Hər bir xidmət haqqında ətraflı məlumat almaq üçün müvafiq bölməyə daxil olmağınızı xahiş edirik. 

  • Müəllimlərin peşəkar inkişafı və kurikulum təlimləri
    Azərbaycan təhsil siyasətinə dəstək göstərən təhsil mərkəzimizin peşəkar komandası səriştəyə əsaslanan şəxsiyyətyönümlü təhsil məzmununun yaradılması, kurikulumların inkişafı, təhsilverənlərin fəaliyyətinin təkmilləşdirilməsində geniş təcrübəyə malikdir.
    Ətraflı
  • Müəllimlər üçün İKT təlimləri
    Hal-hazırda məktəblər və müəllimlər şagirdləri indiki dövrdə rahat yaşamaları üçün müasir həyata hazırlamalıdırlar. Bu məqsədlə də şagirdlərdə müasir bacarıqlar, sərbəst düşünmə tərzi və məqsədə çatmaq üçün müasir texnika və texnologiyadan düzgün istifadə bacarıqları inkişaf etdirilməlidir.
    Ətraflı
  • Təlimlər
    ITE əlavə təhsil mərkəzi müəllim heyəti üçün təlimlər təqdim edir
    Ətraflı

Xidmətlər üzrə məsləhətlər

ITE əlavə təhsil mərkəzinin menecerləri sizin suallarınızı cavablandıracaq, əldə etmək istədiyiniz xidmətlərin dəyərini hesablayacaq və fərdi kommersiya təklifi hazırlayacaqlar.
Müraciət forması

İTE haqqında

İTE – “Təhsildə İnnovativ Texnologiyalar” Əlavə Təhsil Mərkəzi 2012-ci ildə yaradılıb. Bizim şüarımız kadr potensialının gücləndirilməsi vasitəsilə təhsilin transformasiyasıdır. ITE Əlavə Təhsil Mərkəzi təhsilverənlərin və təhsil sahəsi liderlərinin potensialının gücləndirilməsi, öyrətmə və öyrənmə prosesinin inkişafı, təhsil sahəsinin strategiyasının formalaşdırılmasına dəstək sahəsində fəaliyyət göstərir. Missiyamız təhsil verənlərin peşəkar inkişafı üçün tədris prosesində innovasiya və təhsil imkanları təklif etməkdir. Əlavə Təhsil Mərkəzinin əsas fəaliyyəti məktəb və məktəbəqədər tədris ocaqlarında çalışan müəllimlər və inzibati heyət üçün peşəkar təlimlər təşkil etməkdən ibarətdir. Bundan başqa ITE şirkət işçiləri və vətəndaşların peşəkar inkişafı üçün öyrənmə prosesində innovasiya və təhsil imkanları təklif edir.